اقتباس:
المشاركة الأصلية كتبت بواسطة الحاتمي
 منقوله وهي لتركي بن حمدان
الكلام الان لتركي حمدان
السلام عليكم ..
قبل ايام اثنا زيارتي للسعودية لاحظت مثل مالاحظتم أخواني
في العدد الاخير من مجلة المرحوم الامير طلال الرشيد .. مجلة فواصل
ان صفحة مقال ابونواف الله يرحمة المنزوعة...
مع ان المقالات اللي تنشر في صفحة ابونواف كلها معادة طبعا ........
وبعد مارجعت للكويت اليوم اكتشفت ان الصفحة المنزوعة بسبب
قصيدة في طلال الرشيد للشاعر تركي حمدان .........والقصيدة في
غاية الروعة والابداع .......... وحرام انها ماتظهر للناس وعشاق الشعر
ولمحبين المرحوم الامير طلال الرشيد
هذي صورة من الصفحة المنزوعة بعدها القصيدة الرائعة ............... عاهدت شعري على العزة وصنت العهـد
فلا مدحت الملـوك ولا هجيـت العبيـد
رفعت شعري عن العالم رفعتـه صعـد
لين ارتقى هامة الغيـم القصـي البعيـد
على بساط النـدى بيـده عصـاة الرعـد
يومّي بها للمطر ويجيب حلـو القصيـد
والبارحة مجلسه رووس المزون وسجـد
غـزّ البيـارق يحسبنّـه بمجـده وحيـد
الغيم تحته وناظر فوق مـا شـاف احـد
إلا هكا الطاهر الحـرّ المـلاك الفريـد
هو من يكون الذي ما بعده الا الصمـد !؟
ردت نجوم السما : هذا طـلال الرشيـد
ما تعرفه !؟ وانطوى مزن وتطاير بـرد
قلت اعرفه واعرف اني لو جهلتـه بليـد
أي السناعيس ما ينكر وهو فـى المهـد
وشلون يخفى الذي نوره طوى كل بيد ؟!
هذا الأمير الأميـر ابـن الأميـر وبعـد
أبو الأمير وبعد سيّـد علـى كـل سيْـد
رجله وطت هامـة الدنيـا وكفـه عقـد
حبل ٍ مسد قاد به مهـر الزمـان العنيـد
هذا الذي في الصحيح مْن المراجل ورد :
إنكار قدره من افعـال الذليـل الشريـد
في حضرته تحلف ان الضيّ يملك جسـد
وبغيبتـه تـدرك الوحشـة بكلمـة فقيـد
بسام ثغره وسيـع ٍ صـدره بْـلا جهـد
و " بلا جهد تفرق السيد عـن المستسيـد
أرحم من السلم مادامـت تجـي بالجلـد
واقسى من الظلم لاصارت بفل ّ الحديـد
له قلب ٍ اسطا من الحـرّ بنهـار الهـدد
واعذب من الغيمة اللي صبحها يوم عيـد
غزيـر جـوده يعدونـه ولا لـه عـدد
في كل يـوم يتبيـن مـن قديمـه جديـد
اليا غضب ما حرم محتاجه مـن المـدد
وليا رضى ما رحم عـدوه مـن الوقيـد
قلب ٍ سطا ما نشد قلب عطـا مـا نشـد
واقلبه اللي معه يمشي على مـا يريـد !
إيه اعرفه يـا مصابيـح السمـا واعتقـد
لو طال عمره كثير من الرواسـي تبيـد
واحلف برب ٍ رفع سبع السما بلا عمـد
لليوم ذكـرى رحيلـه غصـة ٍ بالوريـد
فـلا نسينـاه ابـد فقـده تقـل يستجـد
ولا سليناه ابـد لـو قيـل يكتـب شهيـد
==
عاهدت شعري على العزة وصنت العهـد
فلارجيت الملـوك ولا هجيـت العبيـد
الطيـب اجازيـه طيـب وللنكـادة نكـد
ماهوبنا اللي غدا سلمه وحربـه قصيـد
رفعت شعري عن الدنيـا رفعتـه صعـد
للمجد والمجد في حضرة طلال الرشيـد
الشاعر تركي بن حمدان |
حياك حياك الحاتمي
وتسلم يمينك على ما نقل
وصح لسان الشاعر
ورحمة الله الواسعة على ( الأمير ) واسكنه فسيح جناته
تحياتي
07-10-08, 12:38 AM
القصيدة الممنوعه بالأمير/ طلال الرشيد0 رحمه الله@الحاتمي@ 
رد: القصيدة الممنوعه بالأمير/ طلال الرشيد0 رحمه الله@الحاتمي@ 
العرض العادي
