قصائد للمرحوم منصور الرمالي

المشاركة الأصلية كتبت بواسطة الكحيله

السلام عليكم ورحمة الله وبركاته تحية طيبة وبعد

هذه بعض المقتطفات الشعرية للشاعر الراحل :منصور بن سعدي الرمالي الذي لم يعد هناك

شخص لم يسمع بهذا الاسم او لم يقرا لهذا الشاعر الذي حروفه اجبرت الناس على متابعتة قصائده والبحث عنها ... مع انه توفى في شبابه

وأحب من لديه اي قصيده لهذا الشاعر اضافتها هنا كي يكون هذا الموضوع للباحثين

عن قصائد منصور الرمالي ...

وسوف ابداء بما لدي من قصائد .



( (يانـــجــــــــــــــم )





يانجم ياللي غبت من غبت مـا بنـت
وشحـال بيـن أيـام مجـدك وبينـك
الشمس تطلع وأسأل الصبح وين أنـت
وتغيب شمسي وأسـأل الليـل وينـك
وين إنت أنا منهـان منهـان لاهنـت
منهان من شخـص عجـز لا يهينـك
إرجـع متـى ترجـع أنـا انهـنـت
وسجنٌت واللي سجني كان قبلي سجينك
إرجع ورجّع مجد ماضـي كمـا كنـت
ورجّع مـن المديـون للنـاس دينـك
ياقاسي فـي وجـه الأضـداد مالنـت
ومن صاحبـك ينعـم بعطفـك ولينـك
حتًى على خصمك من إحسانك أحسنت
وياما عطت مـن كـل غالـي يمينـك
بالسيف في شبه الجزيـره تسلطنٌـت
أخضعـت أهلهـا وملكـنٌـه يديـنـك
مثلك ولـد واللّـه فـلا جابتـه بنـت
لا شـك عيّـن يمهلـنّـك سنيـنـك
أقولها ويـن إنـت وأدل ويـن إنـت
لاشك مـن زود القهـر قلـت وينـك
ويا قصر ياللي بدلوا طينـك اسمنـت
أحذر تخون وتنكـر أصحـاب طينـك
اللّه يخونك كان لأهـل الوفـا خنـت
وأوفيـت للـي بالخـفـا خاينيـنـك
ياقصر لاتسكن وإن انضمت وسكنـت
أخفس قهر وأخفـس معـك ساكنينـك
ياقصـر مهمـا زينـوا فيـك مازنـت
زينك رحـل وإن عادلـك عـاد زينـك




( أمر مر(ن) مر )




أمـر مـراً مـر فـي دنيتـي لــي
وأمـر مـرٍ مـر لـي فـي حياتـي
لاجاني العانـي وانـا مامعـي شـي
ودي تجينـي قبـل ياتـي وفـاتـي
ان اعتذرته ضن ضـن الـرداء بـي
وانا الرداء ماهو صفة مـن صفاتـي
أضحك واهليبة وانـا منكـوي كـي
من خوفي التقصيـر فـي واجباتـي
ومن لا أشتهر بالطيب صيته وهو حي
ماطالع لـه صيـت عقـب المماتـي




( تصيح من وضعك )




وافق معي وارفق بشخصاً لكم طـاع
وأللطف بذاتٍ ينتظـر لطـف ذاتـك
الحق غريقاً في بحـر حبكـم طـاع
وانقذ حيـاة اللـي تهمَـه حياتـك
تصيح من وضعك وانا اعيش بوضاع
اخفهـن لـو جـاك سبـب وفاتـك
عطني شقى عمرك وهمك والاوجـاع
خوذ السعـادة واعطنـي مشكلاتـك
واحرق بقلبي واترك القلـب يلتـاع
لا تترك الهاجوس يحـرق شفاتـك
الله خلق :: وبك خلق سـر الابـداع
ملاك ماحد به صفـة مـن صفاتـك
يأعز وأغلى خلق ربي علـى القـاع
وشلون انا اسهر منك وانت بمباتـك
انا وفي يوم الوفاء يالوفـي ضـاع
وخلك وفي واعطيـك كـل امنياتـك
اموت منك ولك ترى القلـب مابـاع
وابعث بعد موتـي معـي ذكرياتـك




( لوحملوا سلمى )





ياهم ياللي في خفا خافقـي طلـت
ارحل ترى منصـور قـرب رحيلـه
يامهم جانـي ماكفانـي وحصلـت
جسمي قضاء واعضام جسمي نحيلة
ياهم انا اخفيتك بصدري ولا زلـت
اخفيك خوف اهل النفـوس العليلـة
اخاف قول اللي يقولون لـو قلـت
اللي سوالفهـم عـراض وطويلـه
ولوحملو سلمـى مثـل ماتحملـت
صاحت لاجاء من جور حملاً تشيله
ولو ان سنجار الجبل شال ماشلـت
مبطي شكاء ضيم الحمول الثقيلـه
أصبر ولو شفت الزمن مال ماملـت
واقول يمكن يعتـدل عقـب ميلـة