" خلك على حقي حريص وصابر"

المشاركة الأصلية كتبت بواسطة فهدالزعيزع

الأخوة الأعزاء / أعضاء وزوار منتدى "عروس الشمال " السلام عليكم ورحمة الله وبركاته شهر مبارك على الجميع وادعوا الله عز وجل أن يرزقنا الإحتساب والعمل الصالح في هذا الشهر الكريم وأن يتقبل صيامنا وقيامنا0لقد تشرّفت بدعوة اخي العزيز ابو عبد الرحمن للمشاركه مع بقية هذه الكوكبه المشرقه في هذا المنتدى لعزيز , وأحببت المشاركه في آخر ما كتبته هذا المساء في عجاله ويشفع لي تقصيري انها المصافحه الأولى وأملي أن تحوز على رضاكم0وصلتني رساله من الأخ الصديق / سعد الشيحي وهو شاعر له محاولات جيده وحيث ان لي " حق " عند الاخ سعد واتصل بي لعدة مرات وكان يرغب بأن يوفيني هذا الحق واعتذرت منه لظروف خاصه وأخيراً استعان الاخ سعد بالشعر ليعبر عن رغبته بالخلاص من هذا الحق بأبيات لاتخلو من الطرافه فقا ل:
ياراكبن من فوق شيخ المواتر =.جيبٍ جديدٍ للمهمات بيطار
جديد ماحطوا بجنطه شنابر =لا شاف راع الصنف في قيمته حار
شده من الشقره لراع المخابر =.يم الصديق اللي لاهل الوفاء جار
سلم علي وامطقه بالصوابر=وقله ترى لك حق واوقد بي النار

.فرديت عليه بهذه الابيات وأعبّر بها عن رغبتي بتأخير هذا الطلب الى موسم الربيع :

اشرفت في عال الطويله واسابر=بايسر صحاعلّه من الوسم مدرار
في مرقبٍ ما ياصله كل ثابر=كود العزوم اللي على الحمل صبار
وذكرت مكتوبٍ لفاني مخابر=رسالةٍ من وافيٍ مخلص وبار
ابن عبيد اللي تعلّى المنابر = بالمرجله والطيب والعزم والكار
مني سلامٍ عد حبر المحابر=وعدد نحل " رباح " من عقب الاطيار
وما دارت الهوبات وسط الشنابر =بشهب الجيوب اللي وطت بيد وديار
ما ذعذع الغربي بفج المعابر=وما لعلع القمري على لدن الاشجار
من عقبه ابوصيك كان انت خابر=وصيةٍ شدّه بكفّك والاضفار
خلّك على حقي حريصٍ وصابر=.ياما يصير الخب ريفٍ ونوار
بامر العظيم اللي للاجواد جابر=.يسقيه من رايح هماليل الامطار
وسميةٍ تملا الدحل والمخابر=يوضي سنا برقه كما ضو الافنار
بديار غطروفٍ خذا الزين كابر=اللي مضاليله لراع الهوى نار
النهد زم ولين الردف زابر=طلّة قمر والجيد ظبيٍ بالاقفار
وقته يزين الحق , وهبش العنابر=هي زينة الدنيا وزودٍ للاعمار

وتفضلوا بقبول تحياتي فهد عايد الزعيزع